ALTRIS TIMPS
Devente ancje tu testemoni dal clime
Aromai i cambiaments climatics a son simpri plui dispès denant dai nestris voi, i events estrems a son simpri plui frecuents.
Ma noaltris ce podìno fâ?
Ognidun di nô al pues contâ dai cambiaments climatics, testemoneâju in persone, fevelâ e fâ in mût che si feveli di lôr.
Par chest, tant che Museu de Buere, un progjet museâl impegnât inte sensibilizazion ambientâl creative, o volìn coinvolzi i citadins dal Friûl-Vignesie Julie di ogni teritori e di ogni etât par cjapâ sù lis lôr testemoneancis diretis, in forme di imagjins. Lis vin clamadis “Cartulinis dal Clime”.
Tra dutis, o sielzarìn chês plui significativis (ma o cjatarìn istès un biel mût di mostrâlis dutis!), lis interpretarìn in maniere sientifiche cuntune descrizion curade de Societât Meteorologjiche Alpine-Adriatiche e lis presentarìn intune mostre divulgative li dal Imagjinari Sientific di Triest e di Pordenon.
FUART, NO MO?
E alore mandinus il to contribût creatîf a chest progjet!
Spedìs ancje tu la cartuline dal clime: tu âs timp fin ai 15. AVRÎL dal 2024.
Cjape dentri te iniziative i tiei gjenitôrs, i tiei parincj, i tiei amîs.
Sêstu un insegnant o une insegnante? Met in vore la tô classe!
CJAME LA TÔ CARTULINE
DENTRI DAI 15. AVRÎL DAL 2024!
Tu puedis sielzi tra 3 gjenars di cartulinis:
Cheste cartuline e pues jessi realizade partint de scansion di une vecje imagjin di famee che tu âs in cjase, a colôrs o in blanc e neri.
Par esempli, cualchi biele foto di pipins di nêf o di zûcs cu la nêf in citât o te campagne. Ma tu tu varâs dal sigûr alc di interessant, e o sin sigûrs che tu sarâs bon di maraveânus.
Partecipe condividint une foto in formât JPG (cuntune risoluzion di almancul 150 pixels) e un test o une conte (al massim 1.500 batudis)
Cheste cartuline e pues jessi rapresentade di une imagjin che e conte une trasformazion causade di cambiaments climatics o un episodi in particolâr, come il cjaldon dal Istât, lis grandis tampiestadis dal 2023… Episodis negatîfs, ma ancje ideis positivis tant che esemplis di buinis pratichis disvilupadis sul teritori.
Partecipe condividint une foto in formât JPG (cuntune risoluzion di almancul 150 pixels) e un test o une conte (al massim 1.500 batudis)
Chest gjenar di cartuline al è stât pensât in particolâr pes personis cun disabilitâts visivis, di mût che a puedin condividi ancje lôr un pinsîr, une sensazion, scrivint il test dentri di un modul speciâl, facil di compilâ.
Partecipe ancje tu, condividint un test che al vedi al massim 1.500 batudis.
DISCUVIERÇ IL PROGJET “ALTRIS TIMPS”
OGS-Istitût Nazionâl di Oceanografie e di Gjeofisiche Sperimentâl e Universitât di Triest
Altris Timps – Testemonis dal clime al è un progjet prontât de Associazion Culturâl Museo della Bora APS cul contribût de Regjon Autonome Friûl – Vignesie Julie (Bant Divulgazion Sientifiche 2023) in colaborazion cu la Societât Meteorologjiche Alpine-Adriatiche e cul Imagjinari Sientific
SÌ, MA… E IL MUSEU DE BUERE?
“Ce jentrial?”, o disarês voaltris. Noaltris dal Museu de Buere o sin une piçule associazion, ma o vin un grant entusiasim. O sin otimiscj di nature, e o crodìn che ognidun intal so piçul al puedi fâ alc par ridusi la fiere dal planet. Dal sigûr, o vin di dâ ducj une man. Provìn a fâ cambiâ direzion al aiar. Insiemi!
Copyrights © 2024 Tutti I diritti riservati al Museo della Bora.
Museo della Bora | Via Belpoggio, 9, | 34123 – Trieste
Accedi alle: Cookie Policy – Privacy Policy